اشهر خمس كذبات بيقولوها البنات للشباب لما يتخنقوا منهم

اشهر خمس كدبات بتقولها البنات

1]انا خارجه مع ماما

دى لما تحب تشوفها وهى يعينى عامله فيها الملاك البرئ وتلاقيها خارجه مع غيرك اصلا
تكلمها تقولك مش هينفع انزل اصل انا مع ماما
وسمعنى اغنيه صوتك بتاعت تامر بقى

2]بحبك

ياسلام انت بقى واقع فى حب البت وعايش دور روميو وهى جولييت
ولما تصدق انها تقولك بحبك يعينى تبقى طاير من الفرحه
تانى يوم تعرف انها كانت مع صاحبك وقالتله انها برده بتحبه
ياسـلام على البت باين عليها بتحب الشعب كله

3]انا ما بكلمش اولاد

ياسلام دى بقى بنسمعها من بنات كتير اوى
شاب معجب بواحده عايز يكلمها تيجى تقوله مش بكلم ولاد
تانى يلاقيها بتكلمه فى التليفون تقوله اسفه انى كنت سخيفه معاك
وانا معجبه بيك والكلام ده وتعيشه فى دور الوهم شويه

4]انا غيرت نمره موبايلي خلاص

دى بقى لو البت اتخنقت من الواد اللى ماشيه معاه
وكل لما يكلمها متردش عليه
يشوفها فى يوم يقولها مش بتردى عليا ليه تقوله غيرت نمرتى
بالعربى يابنى انا زهقت منك افهم بقى
يعينى عليك كانت بتلعب بيك

5]انا تعبانه النهارده

دى البنت بتقولها لما تكون زهقانه من خروجها معاك وعايزه تخرج مع غيرك
تروح قايله ليك انا تعبانه النهارده مش هقدر انزل
ولو نزلت ماما هتاخدنى للدكتور
انت يعينى قلبك طيب بتصدق
بس تعمل ايه بقى لو عرفت انها كانت خارجه بس مع غيرك
يلا البنات كذبهم مش بيخلص بقى

انا كتبت الموضوع ده وهلاقى ضرب النار من البنات واحتمال كمان يعلنو الحرب عليا
واحتمال بكره تسمعو انهم قامو باغتيالى

طبعا الموضوع ده للفكاها فقط